Rijkalasj unneplågo
- Publicerad: 30 november 2021
- Senast uppdaterad: 30 november 2021
Le gus dujna tjanos aktaj Svierigs vihtta unneplågojs – juvdára, roma, svieriksuobmelattja, sáme jali duornosliegega? De dujna li nanustahtedum riektá ja máhttelisvuoda duv aktavuodan kommuvnaj ja fábmudagáj.
Dujna l riektá diededuvvat ietjat riektáj birra, juska vil makkir rijkalasj unneplågogielav ságasta ja gånnå åro Svierigin. Dujna gut åro kommuvnan tjuottjudusguovlon la riektá guládallat kommuvnaj ja fábmudagáj ietjat gielajn goappátjagá njálmálattjat ja tjálalattjat. Åvdåldibme l almuk dujna l ássje fábmudagán ja ássjen la tjanos ájggeguovddelis tjuottjudusguovlluj. Dån iesj mierreda jus dujna l tjanos rijkalasj unneplåhkuj.
Tjuottjudusguovlo ålggolin aj dujna l riektá adnet suomagielav, meängielav jali sámegielav njálmálasj ja tjálalasj aktavuodajn fábmudagájn sahti gå dujna l ássje fábmudagán ja jus ássje giehtadallá barggijs gudi gielav máhtti.
Dálkasfábmudagá vuododahkamus
Dálkasfábmudahka dåhkkit dálkkasijt ja oatsodi ietja dahkusijt dálkas guovlon, aktan narkotihkajn. Dahkamus la goappátjagá rijkalattjat ja sierra vidjurijn europalattjat ja rijkajgasskasattjat.
Suoddjip ja åvdedip duv gielav ja duv kultuvrav
Láhka (2009:724) rijkalasj unneplågoj hárráj la fámon ålles Svierigin. Lága milta l fábmudagáj dagos suoddjit ja åvdedit rijkalasj unneplågogielajt ja åvdedit rijkalasj unneplågoj máhttelisvuodsjt bisodit ja åvddånahttet ietjasa kultuvrav Svierigin.
Hähttup aj vaddet rijkalasj unneplågojda máhttelisvuodav bájnatjit ássjijt ma sidjij guosski ja guhkás máhttelis, rádedit unneplågoåvdåstiddjij dakkir ássjij birra.
Sámedigge ja Stockholma lenastivrra åvdåsvásstedi svieriga unneplåhkopolitijka aktidimes ja oatsodit dan tjadádimev svieriga kommuvnajn.
Aktavuodav válldet
Läkemedelsverket
Rabásájge: árggabiejve 08.00–16.30
Duostudahka: 018-17 46 00
E-påvsstå: registrator@lakemedelsverket.se