Nacionalna manjine

Tu isi tu pravo te ove informišimo ando teklje prava, bizo obzir koja nacionalno manjinaki čhib vačereja ja kaj bešeja ki Švedska. Tu kova živineja ki jekh opština ko jekh administrativno than, isi tu pravo te komunicirine e opština hem e institucija, ki ti čhib hem odova hem ko vačeribnjasi hem ki pisimi forma. Ama jekh preduslov tano te ovel tu jekh slučaj (ärende) kova šaj te čerel pe ko odova relevantno administrativno than. Tu kokri odlučineja da li pripadineja ani dijekh nacionalno manjina.

Tu isi tu pravo te koristine finsko, meankeli ja samisko čhib, ki večeribnjasi hem ki pisimi forma, hem ko avera thana kola nane tane administrativna. O preduslov tano te ovel tut jekh slučaj (ärende) kova šaj te čerel pe ki odija institucija hem ako o manuša kola čerena buti uduri džanen odija čhib.

Koja buti isila i Agencija e iljačenge proizvodendže - (Läkemedelsverket)

I Agencija e iljačenge proizvodendže odobrini o iljačija hem pratini avera proizvodija ko farmaceutsko oblast, hem i narkotika. Odova zadatko tano ko nacionalno nivo, ama po dijekh puti ko evropsko ja internacionalno nivo.

Amen arakha hem zorjačera ti čhib hem ti kultura

O zakon (2009:724) ando nacionalna manjine važini ki celo Švedska. Odova zakon phenela so o institucije isiljen ki pi buti te arakhen hem te unapredinen i čhib ando nacionalna manjine hem te barjajen oljengo šajipe te arakhen hem razvijinen pikljii kultura ki Švedska.

Amen mora te den e nacionalno manjinendže šajipe on kokri te utičinen ko razna pučiba kola čerena pe oljendar hem, kobor god šaj, i nacionalno manjina te ovel konsultirimi hem uključimi ko akala pučiba.

O Sametinget hem o Länsstyrelsen ko Stokholm tane odgovorna te koordinišinen i politika ando švedska nacionalna manjine hem te pratinen sar odova implementirini pe ko švedska opštine.

Kontaktrin amen

Läkemedelsverket
Bučako vreme: ko radna dive 08.00–16.30
Telefoni: 018-17 46 00
E-majl: registrator@lakemedelsverket.se