Kansalisia minuriteettia

Sulla oon oikeus saaja informasuunia sinun oikeuksista, riippumatta mitä kansalista minuriteettikieltä sie puhut ja missä paikkaa sie asut Ruottissa. Sulla, joka asut kunnassa yhessä hallintoaluheessa, oon kansa oikeus olla yhtheyessä kunnitten ja virastoitten kansa sinun kielelä niin suulisesti ko kirjotetusti. Yks etelytys oon kuinteki ette sulla oon asiata virastolle ja ette asialla oon yhtheys aktyellin hallintoaluheen kansa. Sie se päätät itte jos sie kuulut kansalisheen minuriteethiin.

Hallintoaluheen ulkopuolelaki sulla oon oikeus käyttää suomenkieltä, meänkieltä elikkä saamenkieltä suulisissa ja kirjotetuissa kontaktissa viraston kansa sillä ehola ette sulla oon asiata virastolle ja ette henkilökunta joka käsittellee asiata hallittee kieltä.

Lääkelaitoksen perustehtävä

Lääkelaitos hyväksyy lääkheitä ja valvoo muitten tuotheitten yli lääkealuheela, matkhaan räknätty narkotiikka. Tehtävä oon niin kansalisella ko joissaki taphauksissa eurooppalaisela ja kansanvälisellä tasola.

Met suojaama ja etistämmä sinun kieltä ja sinun kulttuuria

Laki (2009:724) kansalisista minuriteetistä jällaa koko Ruottissa. Se sannoo ette se oon viraston tehtävä ette suojata ja etistää kansalisia minuriteettikieliä ja etistää kansalisitten minuriteetitten maholisuuksia ette pittää jäljelä ja kehittää ommaa kulttuuria Ruottissa.

Met häymä kansa antaa kansalisille minuriteetile maholisuuen vaikuttaa kysymyksiä jokka koskevat heitä ja, niin pitkälti ko maholista, neuvotella minuriteetitten eustajitten kansa semmosista kysymyksistä.

Saamekäräjä ja Lääninhallitus Stokholmissa oon vastuulisia ette järjestää ruottalaista minuriteettipolitiikkaa ja valvoa sen totheuttamisesta ruottalaisissa kunnissa.

Ota meän kansa yhtheyttä

Läkemedelsverket
Aukioloaijat: arkipäivinä 08.00–16.30
Väkseli: 018-17 46 00
E-posti: registrator@lakemedelsverket.se